1. CONDICIÓNS Clases grupais
   1.1. Duración e horarios das sesións: As clases distribúense en sesións dunha hora ou hora e media, pero os últimos e os primeiros minutos de cada sesión serán empregados para a entrada e saída do alumnado e acondicionamento da aula. b) A dirección da academia resérvase o dereito de modificar os horarios das clases, previa información puntual ao alumnado.
   1.2. Altas e baixas:
   a) A inscrición nun grupo e horario faise efectiva mediante o cubrimento e envío desta ficha e o xustificante de pago da matrícula, quedando así reservada a praza. A taxa de matrícula vai ligada ao curso e horario concreto no que se inscriba, non sendo reembolsable en caso de non poder asistir, con independencia do motivo alegado.
   b) A baixa dun curso deberá ser notificada por escrito cun mínimo de 10 días de antelación, no caso contrario deberá aboar a mensualidade seguinte.
   1.3. Pagamento: O pagamento das mensualidades e as cotas trimestrais efectuarase no prazo dos primeiros 10 días de cada mes, en efectivo, por domiciliación ou por transferencia bancaria. A dirección resérvase o dereito de anular a matrícula do alumno que non cumpra os prazos.
   *Os TRIMESTRES son outubro-decembro, xaneiro-marzo, abril-xuño. O medio mes de setembro vai fóra de trimestre, e pagarase como medio mes. O medio curso de adultos vai de 1 outubro ao 30 xuño.
   1.4. Descontos:
   a) Os familiares de 1º grao, pais e fillos que asistan a clases grupais, teñen un desconto do 20% sobre a tarifa mensual de menor importe e as sucesivas. É dicir, só un alumno paga o importe íntegro da mensualidade, a de maior contía, e no resto de membros da familia aplicarase dito desconto.
   b) Os alumnos que cursen 2 ou máis idiomas en clases grupais, beneficiaranse dun desconto do 10% no 2º idioma e nos sucesivos, os de menor importe.
   c) Os descontos non son acumulables. d) Os descontos non son aplicables no caso de clases individuais.
   1.5. Faltas de asistencia: A ausencia ás clases por parte do alumnado non eximirá do pagamento da mensualidade completa, con independencia do motivo alegado. Só hai posibilidade de recuperar as clases perdidas no caso de haber outro grupo do mesmo nivel.
   1.6. Cambios e cancelacións de clases:
   a) No caso de suspensión dalgunha clase por causa da academia, proporase unha data e unha hora alternativa. En caso de que a recuperación non sexa posible, o importe será reembolsado.
   b) As clases que coincidan en días festivos nacionais e locais non se recuperarán nin se reembolsarán.
   c) A academia resérvase o dereito de concluír os cursos cando o considere oportuno.
   
2. CONDICIÓNS Clases privadas
   2.1. Modalidades: A modalidade de clases individuais estándar está pensada para persoas que necesiten total flexibilidade horaria. Isto significa que será posible concertar a hora co profesor cun mínimo de antelación e tamén se permitirá a cancelación ou cambio da hora de clase en calquera momento. Polo tanto, só se contabilizarán as clases impartidas. Por outro lado, existe a modalidade de bonos: as sesións deberán ser concertadas co profesor (día e hora) cunha antelación mínima de 15 días. As clases da primeira quincena de cada mes (do 1 ao 15) deberán quedar fixadas o mes anterior; as da segunda quincena (do 16 ao 31) deberán quedar fixadas antes de que remate a primeira quincena. Esas clases serán contabilizadas e a ausencia ás mesmas non eximirá do seu cómputo, con independencia do motivo da falta. Non obstante, o alumno conta con dous “comodíns” que lle permitirán ausentarse sen custo a 2 clases por bono, sempre e cando se notifique a ausencia cun mínimo de 12 horas de antelación. O alumno poderá engadir horas a maiores das fixadas en función da dispoñibilidade do profesor. Non se poderá garantir a dispoñibilidade do profesor para ningunha hora que non estea fixada segundo a norma antes explicada. A adquisición dos bonos implica a aceptación de ditas normas.
   2.2. Pagamento: O pagamento das clases individuais farase a final de mes, aboando as clases impartidas nese período. O importe total do bono debe ser pagado antes de comezar a formación.

New Wave, José Luis Peña García é responsable do tratamento de datos en conformidade co GDPR coa finalidade de manter unha relación comercial e conservados mentres exista un interese mutuo para iso.
Non se comunicarán os datos a terceiros. Pode exercer os dereitos de acceso, rectificación, portabilidade, supresión, limitación e oposición en R/ Camiño Caneiro, 14 32004, Ourense. Email: info@newwavelinguas.com e o de reclamación a www.agpd.es.